“ගී ආනන්දේ 39” ප්‍රසංගය කල් දැමේ

මෙම මස අවසානයේ පැවැත්වීමට නියමිතව තිබු ප්‍රවීන ගේය පද රචක ආනන්ද පද්මසිරිගේ “ගී ආනන්දේ 39” ප්‍රසංගය දින නියමයකින් තොරව කල් දමා තිබේ.

ඔහුගේ පියාගේ අභාවය හේතුවෙන් මෙම තීරණය ගෙන ඇති බවට වාර්තා වේ.

ආනන්ද පද්මසිරිගේ කලා දිවියට 39 වසරක් පිරිම නිමිත්තෙන් එළඹෙන 31 වැනිදා සවස 6 ට ටවර් රඟහලේදී ප්‍රසංගය නොමිලේ පැවැත්වීමට කටයුතු සුදානම් කර තිබුණි.

එහිදී ඔහු රචිත ගීත 39 ක් ගායනා කිරීමටත් “ජෝති මතක රූ” නමින් ග්‍රන්ථයක් සහ “ගී ආනන්දේ” සංයුක්ත තැටියක් නිකුත් කිරීමට ද නියමිතව තිබුණි.