බොලිවුඩ් නළු කාදෙර් ඛාන් දිවි රඟමඩලට සමු දෙයි
ප්‍රවීන බොලිවුඩ් රංගන ශිල්පී කාදෙර් ඛාන් අභාවප්‍රාප්ත වී තිබේ.
81 හැවිරිදි වියේ පසුවූ ඔහු කැනඩාවේ ටොරොන්ටෝ හි රෝහලක දී දිවියෙන් සමුගත් බව ඔහුගේ පවුලේ සාමාජිකයින් තහවුරු කර ඇත.
ඇෆ්ගනිස්ථානයේ උපත ලැබූ මෙම කලාකරුවා සිනමාපට 300 කට අධික ප්‍රමාණයක් සඳහා රංගන දායකත්වය සපයා තිබුණි.
එසේම චිත්‍රපට 250 කට ආසන්න ප්‍රමාණයක් සඳහා ඔහු තිර පිටපත් රචනයෙන් දායක වී ඇති බව ඉන්දීය මාධ්‍ය වාර්තා කරයි.
ඉන්දීය අගමැති නරේන්ද්‍ර මෝඩි, ප්‍රවීන රංගන ශිල්පී අමිතාබ් බච්චන් මෙන්ම බොලිවුඩයේ තරු රැසක් ද ඔහුගේ අභාවය වෙනුවෙන් ශෝකය පළ කර තිබේ.
