“තාල” රිදී තිරයට එන දවස මෙන්න
පාලිත පෙරේරාගේ නවතම සිනමා අධ්‍යක්ෂණය “තාල” එළඹෙන ජනවාරි 9 වැනිදා සිට දිවයින පුරා ප්‍රදර්ශනය කිරීමට සුදානම් බව වාර්තා වේ.
ඒ අනුව EAP මණ්ඩලයේ සිනමාශාලා ඔස්සේ මෙම චිත්‍රපටය නැරඹීමට අවස්ථාව උදා වන බවයි එම ආරංචි මාර්ග සඳහන් කර සිටින්නේ.
හේමාල් රණසිංහ, කලණි දොඩන්තැන්න, ජයලත් මනෝරත්න, කෞශල්‍යා ප්‍රනාන්දු, ප්‍රියන්ත සිරිකුමාර, ගිරිරාජ් කෞශල්‍ය, චමිලා පීරිස්, විල්සන් ගුණරත්න, චාන්දනී සෙනවිරත්න සහ ළමා නළු නිලියන් ඇතුළු රංගන ශිල්පින් ශිල්පිනියන් රැසක් මේ සඳහා රංගන දායකත්වය සපයා තිබේ.
නිල්හාන් වීරසිංහ නිෂ්පාදනයෙන් ද, චින්තක සෝමකිර්ති කැමරා අධ්‍යක්ෂණයෙන් ද, තිස්ස සුරේන්ද්‍ර සංස්කරණයෙන් ද, චින්තක ජයකොඩි නාද සංකලනයෙන් ද සිනමාපටයට දායක වී තිබේ.
