හොලිවුඩ් නිළි කැරොල් චැනින්ග් දිවි රඟ මඩලට සමුදෙයි

ප්‍රවීන ඇමරිකානු රංගන ශිල්පිනි කැරොල් චැනින්ග් අභාවප්‍රාප්ත වී තිබේ.

මියයන විට ඇගේ වයස අවුරුදු 97 කි.

ගායන, නර්තන මෙන්ම ප්‍රහසන ශිල්පිනියක් ලෙස ද කටයුතු කළ ඇය Gentlemen Prefer Blondes සහ Hello, Dolly ! වැනි සංගීතමය සිනමාපට ඔස්සේ ප්‍රේක්ෂකයින් අතරට පැමිණියා ය.

Thoroughly Modern Millie සිනමාපටයේ රංගනය උදෙසා කැරොල් චැනින්ග් හට 1967 දී හොඳම සහය නිළියට හිමි ගෝල්ඩන් ග්ලෝබ් සම්මානය හිමි වීය. එසේම එම චරිතය වෙනුවෙන් හොඳම සහය නිළියට හිමි ඔස්කාර් සම්මානයට පවා ඇය නිර්දේශ වුවා ය.

කැරොල් චැනින්ග් LGBT ප්‍රජාව වෙනුවෙන් පෙනී සිටිමින් ඔවුන් වෙනුවෙන් හඬ නැඟූ තැනැත්තියක් ලෙස ද ප්‍රකට ය.