-බ්‍රිතාන්‍ය රංගන ශිල්පී ඕලන්ඩෝ බ්ලූම් The Lord of the Rings, Pirates of the Caribbean, Troy, Black Hawk Down, The Hobbit වැනි ජනප්‍රිය සිනමාපට වෙනුවෙන් රංගන දායකත්වය සපයා ඇත.- 

ජනප්‍රිය ගායන ශිල්පිනි කේටි පෙරී සහ ජනප්‍රිය රංගන ශිල්පී ඕලන්ඩෝ බ්ලූම් ආදරවන්තයින්ගේ දිනය දා විවාහ ගිවිසගෙන ඇති බවට වාර්තා වේ.

දෙදෙනාගේ මුහුණුවලින් කොටසක් පමණක් පෙනෙන පරිදි ගත් ඡායාරූපයක් දෙදෙනාම සිය ඉන්ස්ටග්‍රෑම් ගිණුම්වල පළ කර ඇති අතර තරමක් විශාල මුදුවක් කේටි පැළඳගෙන සිටිනු එහි පෙනෙන්නට ඇත.

විවාහ ගිවිස ගැනීම සම්බන්ධයෙන් නිළ නිවේදනයක් නිකුත් කර නොමැති නමුත් රසිකයින් ඔවුන් දෙදෙනා වෙත සුබ පැතුම් පණිවිඩ නිකුත් කර තිබේ.

ඇමරිකානු ගායන ශිල්පිනියක මෙන්ම ගේය පද රචිකාවක වන කේටි පෙරී උපත ලබන්නේ 1984 දී ය. E.T., Dark Horse, Firework, Roar, California Gurls, The one that got away, Last Friday Night වැනි ලොව පුරා අතිශය ජනප්‍රිය වූ ගීතවල හිමිකාරිනිය ඇය යි.    

1977 උපත ලද බ්‍රිතාන්‍ය රංගන ශිල්පී ඕලන්ඩෝ බ්ලූම් The Lord of the Rings, Pirates of the Caribbean, Troy, Black Hawk Down, The Hobbit වැනි ජනප්‍රිය සිනමාපට වෙනුවෙන් රංගන දායකත්වය සපයා ඇත. The Lord of the Rings චිත්‍රපට පෙළෙහි ලෙගොලාස්, Pirates of the Caribbean චිත්‍රපට පෙළෙහි විල් ටර්නර් එසේ ජනප්‍රිය වූ චරිත වේ.