ඔසාකා ආසියානු සිනමා උළලේ විශිෂ්ටම රංගනය නිල්මිණි සිගේරා........
2019 ඔසාකා ආසියානු සිනමා උළලේ විශිෂ්ටම රංගනය උදෙසා පිරිනැමෙන යකුෂි පර්ල් සම්මානය මෙරට රංගන ශිල්පිනි නිල්මිණි සිගේරාට හිමි වී තිබේ.
සිනමාවේදී අශෝක හඳගමගේ නවතම සිනමා අධ්‍යක්ෂණය වන “අසන්ධිමිත්තා” හි ඇය දැක්වූ විශිෂ්ට රංගන කුසලතාව වෙනුවෙන් මෙම සම්මානය පිරිනමා ඇත.
14 වැනි වරටත් සංවිධාන කළ සිනමා උළෙල ජපානයේ ඔසාකා නුවර දී දින 10ක් පුරා පැවැත්වුණු අතර එය අද (17) නිමාවට පත්විය.
ඔසාකා ආසියානු සිනමා උළලේ ප්‍රධානතම තරගකාරී අංශය නියෝජනය කිරීමට සුදුසුකම් ලැබූ “අසන්ධිමිත්තා” සිනමා කෘතිය මෙන්ම චිත්‍රපටයේ ප්‍රධාන චරිතයට පණ පෙවූ රංගන ශිල්පිනි නිල්මිණි සිගේරාට එහිදී උණුසුම් ප්‍රතිචාර හිමි වූ බවට වාර්තා වේ.
