ප්‍රකට ගිටාර් වාදන ශිල්පී ඩික් ඩේල් අභාවප්‍රාප්ත වෙයි

ප්‍රකට ඇමරිකානු රොක් ගිටාර් වාදන ශිල්පී ඩික් ඩේල් අභාවප්‍රාප්ත වී තිබේ.

සර්ෆ් රොක් ලෙස හඳුන්වන සංගීත ශෛලිය ලොවට හඳුන්වා දුන් ඔහු පසුගිය සෙනසුරාදා (16) මියගොස් ඇති බව ද ගාඩියන් පුවත් පත වාර්තා කරයි.

ඩික් ඩේල්ගේ සංගීත දිවිය දශක පහකට එහා කාලයක් දක්වා දිව යන අතර ඔහු සර්ෆ් රොක් සංගීත ශානරය ලොවට හඳුන්වා දුන්නේ 1960 ගණන්වලදී ය. එසේම විදුලි ගිටාර් වාදන ශිල්පින් බොහෝ දෙනෙකු ඔහු  අනුගමනය කළහ.

ඩික් ඩේල්ගේ සැබෑ නාමය රිචර්ඩ් ඇන්තනි වේ. මියයන විට ඔහු 81 හැවිරිදි වියේ පසුවිය.