සරත් ධර්මසිරි චිත්‍රපට අධ්‍යක්ෂකවරුන්ගේ සංසදයේ සභාපති ධූරයට
ශ්‍රී ලංකා චිත්‍රපට අධ්‍යක්ෂකවරුන්ගේ සංසදයේ නව සභාපති ලෙස සරත් ධර්මසිරි පත්වී තිබේ.
පසුගිය 18 වැනිදා පැවැත්වුණු සංසදයේ නව විධායක කමිටුවේ පළමු රැස්වීමේ දී මෙම පත් කිරීම් සිදු කෙරුණි.
එහිදී ලේකම් ධූරයට සෙනේෂ් බණ්ඩාර, උප සභාපති ධූරයට ආචාර්ය සෝමරත්න දිසානායක, නියෝජ්‍ය ලේකම් ධූරයට රොහාන් වැලිවිට, භාණ්ඩාගාරික ධූරයට සුනෙත් මාලිංග ලොකුහේවා, සංවිධායක ධූරයට ශමීර නාඔටුන්න, සංස්කාරක ලෙස සුදත් මහදිවුල්වැව පත්වී ඇත.
මෙම පත්කිරීම් 2019 සිට 2020 කාලය දක්වා බල පැවැත්වේ.
