වසරේ විශිෂ්ටතම ටෙලිය ඇතුළු රයිගම් සම්මාන 7ක් “කූඹියෝ” දිනයි
වසරේ විශිෂ්ටතම ටෙලි නාට්‍ය ඇතුළු රයිගම් සම්මාන 7ක් හිමි කරගැනීමට ස්වාධින රූපවාහිනී සේවය ඔස්සේ විකාශය වූ “කූඹියෝ” ටෙලි නාට්‍ය සමත් විය.
වසරේ විශිෂ්ටතම ටෙලි නාට්‍ය අධ්‍යක්ෂණය වෙනුවෙන් ලක්මාල් ධර්මරත්න, වසරේ නැඟී එන ටෙලි නාට්‍ය නළුවා ඇන්ඩෘ පුල්ලේ, වසරේ විශිෂ්ටතම ටෙලි නාට්‍ය සහාය නළුවා කළණ ගුණසේකර, වසරේ විශිෂ්ටතම ටෙලි නාට්‍ය කැමරාකරණය වෙනුවෙන් ස්ට්‍රයිනර් ඇඩම්ස්, වසරේ විශිෂ්ටතම ටෙලි නාට්‍ය ශබ්ද නිර්මාණකරණය වෙනුවෙන් කිංස්ලි රාජපක්ෂ, ප්‍රදීප වදකාරගෙදර, රංජන් සෙනෙවිරත්න, වසරේ විශිෂ්ටතම ටෙලි නාට්‍ය සංස්කරණය වෙනුවෙන් දමිත චන්ද්‍රසිරි ඔවුන් දිනාගත් අනෙකුත් සම්මාන වේ.
එසේම ස්වාධින රූපවාහිනීයේ විකාශය වූ “සහෝදරයා” ටෙලි නාට්‍ය වසරේ විශිෂ්ටතම ටෙලි නාට්‍ය නළුවා සහ වසරේ විශිෂ්ටතම ටෙලි නාට්‍ය නිළිය ඇතුළු සම්මාන පහක් දිනා ගනු ලැබී ය.
ඒ අනුව රොෂාන් රවින්ද්‍ර ටෙලි නාට්‍ය වසරේ විශිෂ්ටතම ටෙලි නාට්‍ය නළුවා ලෙසත් චාන්දනී සෙනවිරත්න ටෙලි නාට්‍ය වසරේ විශිෂ්ටතම ටෙලි නාට්‍ය නිළිය ලෙසත් ඇගයුම් ලැබී ය.
2018 වසර සඳහා වූ රයිගම් සම්මාන උළෙල ඊයේ (23) දින රාත්‍රියේ නෙළුම්පොකුණ රඟහලේ දී අති උත්කර්ෂවත් අන්දමින් පැවැත්වුනි.
https://mirrorarts.lk/news/4989-koombiyo-190324#sigProId93cd10d371
