සංගීතවේදී රෑන්කින්ග් රොජර් අභාවප්‍රාප්ත වෙයි

රෑන්කින්ග් රොජර් ලෙස ජනප්‍රියත්වයට පත් සංගීතවේදී රොජර් චාලරි අභාවප්‍රාප්ත වී තිබේ.

එක්සත් රාජධානියේ බර්මින්හැම් හි උපත ලැබූ මේ ගායන ශිල්පියා පසුගිය 26 වැනි අඟහරුවාදා සිය නිවසේ දී දිවියෙන් සමුගත් බව එරට මාධ්‍ය වාර්තා කරයි.

මියයන විට 56 හැවිරිදි වියේ පසුවූ රොජර් චාලරි පෙනහළු පිළිකාවකින් සහ මොළය ආශ්‍රිත පිළිකා තත්වයකින් පීඩා විඳි බවට වැඩි දුරටත් වාර්තා වේ.

ඔහු The Beat, General Public, Big Audio Dynamite යන සංගීත කණ්ඩායම් සමඟ සිය නිර්මාණ කටයුතු සිදු කර තිබේ.

රොජර් චාලරි අවසන් වරට නිකුත් කළ සංගීත ඇල්බමය Public Confidential නම් වන අතර The Beat කණ්ඩායම සමඟින් එක්ව නිර්මාණය කළ ඒ ඇල්බමය නිකුත් කෙරුනේ පසුගිය ජනවාරි මාසයේ දී ය.