ප්‍රකට සිනමාවේදී ජේ. මහේන්ද්‍රන් අභාවප්‍රාප්ත වෙයි

ඉන්දීය දමිළ සිනමාවේ දැවැන්තයකු වූ ජේ. මහේන්ද්‍රන් අභාවප්‍රාප්ත වී තිබේ.

පසුගිය දින කිහිපයේ දැඩි ලෙස රෝගාතුරව සිටි ඔහු 2 අඟහරුවාදා චෙන්නායි හි පිහිටි සිය නිවසේ දී මියගිය බව එරට මාධ්‍ය වාර්තා කරයි.  

මියයන විට ඔහුගේ වයස අවුරුදු 79 කි.

මහේන්ද්‍රන් Aadu Puli Attam, Mullum Malarum, Uthiripookkal , Nenjathai Killadhe වැනි ජනප්‍රිය සිනමා නිර්මාණ 40 කට අධික ප්‍රමාණයක් සඳහා අධ්‍යක්ෂණයෙන්, තිර රචනයෙන් මෙන්ම රංගනයෙන් ද දායක වී තිබේ.

එසේම ඔහුගේ පළමු චිත්‍රපට අධ්‍යක්ෂණය වන Mullum Malarum, රංගන ශිල්පී රජිනි කාන්ත්ගේ සිනමා දිවියේ හැරවුම් ලක්ෂය ලෙස ද සලකනු ලැබේ. රජිනි කාන්ත් නම් සුපිරි තරුව ඉහළට ඔසවා තැබීමේ ගෞරවය හිමි වන්නේ මහේන්ද්‍රන් වෙත ය.

2006 දී නිර්මාණය කරන ලද Sasanam ඔහුගේ අවසන් සිනමා අධ්‍යක්ෂණය වේ.