ප්‍රකට දමිළ ප්‍රහසන නළු මෝහන් රංගචාරි දිවියෙන් සමුගනියි
ප්‍රකට දමිළ වේදිකා නාට්‍ය ශිල්පියකු මෙන්ම තිර රචකයකු වූ මෝහන් රංගචාරි දිවියෙන් සමුගෙන තිබේ.
හෘදයාබාධයක් නිසා 10 සඳුදා චෙන්නායි නුවර පිහිටි කාවේරි රෝහලට ඇතුලත් කිරීමෙන් පසු ඔහු මියගොස් ඇත.
Crazy Mohan ලෙස ප්‍රකට මෙම රංගන ශිල්පියා මියයන විට වයස අවුරුදු 67 කි. එම නාමය ඔහුට පට බැඳුණේ Crazy Thieves in Palavakkam නම් ජනප්‍රිය වේදිකා නාටකයේ තිර පිටපත රචනා කිරීමෙන් පසුව ය.
දමිළ සිනමාපටවල විවිධ ප්‍රහසන චරිත සඳහා ද මෝහන් පණ පොවා අතර ඒවායේ බහුතරයක ඔහු රඟපා ඇත්තේ ජනප්‍රිය නළු කමල් හසන් සමඟිනි.
මෝහන් රංගචාරිගේ හදිසි අභාවය පිළිබඳ කලාකරුවන්, රසිකයින් සිය ශෝකය පළ කර ඇත.
