ප්‍රවීන චරිතාංග නළු Rip Torn අභාවප්‍රාප්ත වෙයි
මෙන් ඉන් බ්ලැක් සහ ද ලැරී සැන්ඩර්ස් ෂෝ වැනි නිර්මාණ ඔස්සේ ජනප්‍රියත්වයක් අත්කරගත් ඇමරිකානු රංගන ශිල්පී Rip Torn අභාවප්‍රාප්ත වී තිබේ.
මියයන විට ඔහුගේ වයස අවුරුදු 88 කි.
දශක හතක කාලයක් ක්ෂේත්‍රයේ රැඳී සිටි මෙම චරිතාංග නළුවා 1996 දී එමී සම්මානයෙන් පිදුම් ලැබුවේ ය.
එසේම ක්‍රොස් ක්‍රීක් සිනමාපටයේ දැක්වූ රංගන කුසලතාවය නිසා Rip Torn 1983 දී හොඳම සහය රංගන ශිල්පියා උදෙසා පිරිනමන ඇකඩමි සම්මානයට නිර්දේශ ලැබුවේ ය.
ඔහු චිත්‍රපට 50 කට අධික ප්‍රමාණයක් සහ ටෙලි නිර්මාණ 20 කට අධික ප්‍රමාණයක් සඳහා රංගන දායකත්වය සපයා ඇත.
Rip Tornගේ අභාවය පිළිබඳ ලොව පුරා කලාකරුවන් සහ රසිකයින් සිය ශෝකය පළ කර තිබේ.
