ප්‍රවීන ගුවන්විදුලි නිවේදිකා කුසුම් පීරිස් අභාවප්‍රාප්ත වෙයි
ප්‍රවීන ගුවන් විදුලි නිවේදිකාවක , ගුවන් විදුලි නාට්‍ය ශිල්පිනයක මෙන්ම ගේය පද රචිකාවියක වු කුසුම් පීරිස් අභාවප්‍රාප්ත වී තිබේ.
මිය යන විට ඇය 71 වන වියේ පසු විය.
ඇයගේ දේහය පිළබඳ අවසන් කටයුතු අනිද්දා කඩවත-ඇල්දෙනිය පොදු සුසාන භුමියේ දී සිදු කිරීමට නියමිත ය.
1972 වසරේ සහන නිවේදිකාවක ලෙසින් ශ්‍රී ලංකා ගුවන් විදුලි සංස්ථාවට එක් වූ කුසුම් පීරිස් මොනරතැන්න, මුවන්පැලැස්ස, ගුවන්විදුලි රඟමඬල, කුඹුරේගම, මකරාගේ තානායම වැනි ගුවන්විදුලි නාට්‍ය සඳහා සිය හඬ දායකත්වය දැක්වුවා ය.
අසුරු සැනින්, දිගු නෙත් හසරැල්ලේ, සිහිනයකි ඔබ, ගං ඉවුරේ, දිගු නෙත් හසරැල්ලේ වැනි ගීත රැසක් ද ඇය විසින් රචනා කළා ය.
