නොබෙල් ත්‍යාගලාභී ලේඛිකා ටෝනි මොරිසන් අභාවප්‍රාප්ත වෙයි
නොබෙල් සම්මානලාභී සුප්‍රකට ඇමරිකානු ලේඛිකා ටෝනි මොරිසන් අභාවප්‍රාප්ත වී තිබේ.
මියයනවිට ඇයගේ වයස අවුරුදු 88 කි.
නවකතා 11 ක් රචනා කළ ටෝනි 1993 දී සාහිත්‍ය සඳහා වූ නොබෙල් ත්‍යාගය දිනා ගත්තා ය. ඇය සිය පළමු නවකතාව “The Bluest Eye” ප්‍රකාශයට පත් කළේ 1970 දී ය.
පලායන වහල් කාන්තාවක ගැන කියවෙන ඇය විසින් 1987 දී පළ කළ “Beloved” කෘතිය 1998 දී සිනමාවට නැඟුණි. එහි ප්‍රධාන චරිතයට පණ පෙවුයේ ඔප්රා වින්ෆ්රේ විසිනි.
ටෝනි මොරිසන් 2012 දී ජනපති සම්මානයෙන් ද පිදුම් ලැබුවා ය.
ඇයගේ හදිසි අභාවය පිළිබඳ ලොව නන් දෙසින් ශෝකය පළ කෙරෙමින් ඇත.
