ශාරුක්ට තවත් ගෞරව ආචාර්ය උපාධියක්
බොලිවුඩ් රංගන ශිල්පී ශාරුක් ඛාන් නැවත වතාවක් ගෞරව ආචාර්ය උපාධියකින් පිදුම් ලබා තිබේ.
කාන්තාව සවිබලගැන්විම සඳහා දායකත්වය ලබාදීම ඇතුළු මානුෂිය ක්‍රියාදාමයන් සහ ඉන්දීය විනෝදාස්වාද කර්මාන්තය තුළ ඔහු අත්කරගත් ජයග්‍රහණ වෙනුවෙන් අද (9) දින ඔහුට මෙම උපාධිය පිරිනැමුවේ ඕස්ට්‍රේලියාවේ මෙල්බෝන් නුවර ල ට්‍රෝබ් සරසවියෙනි.
“අධ්‍යාපනය උදෙසා මගේ රටේ තරුණියන්ට ශිෂ්‍යත්ව පිරිනැමීමට තරම් කාරුණික වීම ගැන මම ල ට්‍රෝබ් සරසවියට බෙහෙවින්ම ස්තුතිවන්ත වනවා. මම මගේ හිස නමා ඊට ආචාර කරනවා,” යනුවෙන් ඔහු එම අවස්ථාවේ දී ප්‍රකාශ කර ඇත.
ශාරුක් ඛාන් පසුගිය අප්‍රේල් මස දීද ගෞරව ආචාර්ය උපාධියකින් පිදුම් ලැබුවේ ය. ඒ ලන්ඩන් නීති විද්‍යාලයෙනි.
