චන්ද්‍රසිරි දොඩන්ගොඩ සාහිත තරගාවලියට නිර්මාණ බාර ගැනේ
ප්‍රවීන ලේඛක චන්ද්‍රසිරි දොඩන්ගොඩ අනුස්මරණ පදනම විසින් සංවිධාන කරනු ලබන “චන්ද්‍රසිරි දොඩන්ගොඩ සාහිත ප්‍රණාම” සමස්ත ලංකා සාහිත්‍ය නිර්මාණ තරගාවලිය 2019 සඳහා නිර්මාණ බාර ගැනීම මේ දිනවල සිදු කෙරේ.
මින් පෙර ප්‍රකාශනයට පත් නොකළ සිංහල ස්ව තන්ත්‍ර නවකතා, කෙටිකතා, ගීත නිර්මාණ, පද්‍ය රචනා මේ සඳහා ඉදිරිපත් කළ හැකි අතර එක් අංශයක් යටතේ තරගකරුවෙක්ට යොමුකළ හැක්කේ එක් නිර්මාණයක් පමණි.
පැහැදිලිව ලියා හෝ යතුරුලියනය කරන ලද නිර්මාණ අයදුම්පතක් සමඟ අගෝස්තු 31 වැනිදාට පෙර චන්ද්‍රසිරි දොඩන්ගොඩ සාහිත ප්‍රණාම, සමස්ත ලංකා නිර්මාණ තරගාවලිය 2019, චන්ද්‍රසිරි දොඩන්ගොඩ අනුස්මරණ පදනම, නො. 5/48, කුරුකුලාව, රාගම යන ලිපිනයට ලියාපදිංචි තැපෑලෙන් යොමු කළ යුතු ය.
