“කොළඹ ජාත්‍යන්තර පොත් ප්‍රදර්ශනය” දැන්ම දින වෙන්කරගන්න..

දිවයිනේ දැවැන්තම සාහිත්‍ය මංගල්‍ය ලෙසින් සැලකෙන “කොළඹ ජාත්‍යන්තර පොත් ප්‍රදර්ශනය 2019” මෙවරත් පැවැත්වීමට සියලු කටයුතු සුදානම් කර තිබේ.

ඒ අනුව එළඹෙන සැප්තැම්බර් 20 වැනිදා සිට 29 වැනිදා දක්වා දින 10 ක් කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ දී ප්‍රදර්ශනය පැවැත්වෙනු ඇත.

උදැසන 9 සිට රාත්‍රී 9 දක්වා ජනතාවට විවෘත වන පොත් දැක්මට සමගාමිව විවිධ සාහිත්‍යාංග ද සංවිධාන කෙරේ.

ශ්‍රී ලංකා පොත් ප්‍රකාශකයන්ගේ සංගමය විසින් මෙවර කොළඹ ජාත්‍යන්තර පොත් ප්‍රදර්ශනය සංවිධාන කරන්නේ 21 වැනි වරට ය.