වෛද්‍ය නුවන් තොටවත්තගේ 'ලොකු ළමයින්ට විතරයි' ග්‍රන්ථය හෙට (22) කොළඹ ජාත්‍යන්තර පොත් ප්‍රදර්ශනයේදී එළිදැක්වීමට නියමිතය.
හෙට (22) අනිද්දා (23) දින දෙකෙහි සමයවර්ධන කුටියේදී එළිදැක්වීමට නියමිත මෙම ග්‍රන්ථය මිලදීගැනීමට මෙන්ම ඒ සමගින් නුවන් තොටවත්ත හමුවීමටද හැකියාව ඇති බව ඔහු පවසයි.
"බබාලා ඉස්පිරිතාලෙන් ගේනවා කියලා හිතන දරු පරම්පරාවකට අපයෝජනයන් ගෙන් ආරක්ෂාවීම, කළලයේ විකසනය, ඔසප් චක්‍රය, ස්ත්‍රී පුරුෂ සමාජභාවය, ඩිම්බ මෝචනය, සංසේචනය වගේ දේවල් කියලා දෙන්න ලේසි නෑ. ඒත් මම උත්සාහ කරනවා. ඒ නිසා ඇවිත් මට ඔයාලාගේ අදහස් කියන්න." ඔහු පාඨක ප්‍රජාව වෙත සිය ෆේස්බුක් ගිණුමෙන් කියා තිබිණි.
