විදුෂා රාජගුරු දෙරණ ඩ්‍රීම් ස්ටාර් දෙවන ස්ථානය දිනාගත් ගායිකාවයි.
ඇය පසුගියදා බෙහෙවින් කතාබහට ලක් වුණේ ඩ්‍රීම් ස්ටාර් දෙවැනි ස්ථානය දිනාගැනීමට වඩා ජයග්‍රාහකයා නම් කළ අවස්ථාවේ සිනහවකින් තොරව සිය ප්‍රතිවාදී තරඟකාරිනියට සුබ පැතූ බවට බොහෝ දෙනෙකු ඇයට විවේචන එල්ල කිරීම හේතුවෙනි.
එම චෝදනා සහ විවේචන ගැන විදුෂා ප්‍රකාශ කළේ මෙම සිදුවීමෙන් තමන් තමන් ගැනම කලකිරුණු බවත් නිශේධ (නෙගටිව්) අදහස් පළ කරන අයට කීමට ඇත්තේ 'පොතට කලින් පිටකවරෙ බලන්න එපා' යන්න බවත්ය. ඇය මෙසේ ප්‍රකාශ කළේ 'දිවයින' යූටියුබ් නාලිකාව සමග එක්වූ සංවාදයකිනි.
