බොලිවුඩයේ සිනමා වීරයින්ගේ තුන්වැනි සහ දෙවැනි පරපුර නියෝජනය කරන දූපුතුන්ගේ සහභාගිත්වයෙන් නිමවුණු The Archies චිත්‍රපටය පසුගියදා එළිදැක්විණි.
සෝයා අක්තර්ගේ අධ්‍යක්ෂණයෙන් නිමැවුණු චිත්‍රපටය එළිදැක්වීමේදී බොලිවුඩයේ දීප්තිය සහ චමත්කාරය එකමුතු වූ රාත්‍රියක් නිර්මාණය විය.
බොලිවුඩ් තාරකාවන් සහ තරු එළිය මුසු වූ තරු දූදරුවන් සහභාගි වූ රාත්‍රිය අතිශය උත්කර්ෂවත් විය.
අමිතාබ් බච්චන්ගේ මුණුබුරා වන අගස්ත්‍ය නන්දා උත්සවයට සහභාගි වූයේ අභිෂේක් බච්චන් පවුල සමග සහභාගි වූ අතර සුහානා ඛාන් සහභාගි වූයේ පියා ෂාරුක් ඛාන් පවුල සමගිනි. බොලිවුඩයේ ජනප්‍රිය කපූර් සිනමා පවුල්වලින් එකක් වන බොනී කපූර් සහ ශ්‍රී දේවියගේ බාල දියනිය කුෂි කපූර් වෙතද විශේෂ අවධානයක් ලැබිණි.
ථෙ ඇර්චීස් යනු ඉංග්‍රීසි සහ හින්දි භාෂාවෙන් නිමවුණු සංගීත ප්‍රහසන චිත්‍රපටයක් වන අතර ඉහත නළු නිළියන් හැර වෙදන්ග් රයිනා, මිහිර් අහුජා, අදිති සෛගල් සහ යුවරාජ් මෙන්ඩා ප්‍රධාන චරිත නිරූපණය කරති.
