උද්ගත වූ අසනීප තත්ත්වයක් හේතුවෙන් ජනප්‍රිය ගායක චාමර වීරසිංහ ප්‍රතිකාර සඳහා කළුබෝවිල රෝහලේ දැඩිසත්කාර ඒකකයට ඇතුළත් කර තිබේ.
බොහෝ දෙනෙකුගේ සර්වකාලීන ආදරය දිනාගත් ගායකයෙකු වූ 'චාලි' යනුවෙන්ද හඳුන්වන චාමර වීරසිංහ ගැන මෑතකදී යළි බොහෝ කතාබහට ලක් වූයේ 'පරිණාමය' සංගීත ප්‍රසංගයේදී ඔහුගේ වේදිකා සම්ප්‍රාප්තිය සමගය. එහිදී ඔහුගේ ගීතයක් වන 'මතකයන් ඔබේ' චාමරටත් වඩා වූ හඬකින් සංගීත රසිකයින් විසින් ගයනු ලැබිණි.
චාමර ඔහුගේ ෆේස්බුක් ගිණුමේ අදින් දින දෙකකට පෙර මෙසේ සටහන් කර තිබිණ.
ඒ "හදිසි අසනීප තත්වයක් හේතුවෙන් ඉදිරි සංගීත ප්‍රසංග සඳහා සහභාගි වීමට නොහැකිවෙන බව දන්වමි." යනුවෙනි.
හදිසි රෝගී තත්ත්වය හේතුවෙන් පසුගියදා කළුබෝවිල රෝහලට ඇතුළත් කිරීමෙන් අනතුරුව චාමර මේ වන විට දැඩිසත්කාර ඒකකයේ ප්‍රතිකාර සඳහා යොමුකර ඇත.
සුවහසක් රසිකයින්ගේ හදවතේ ගායකයා වූ චාමර වීරසිංහට සැවොම ඉක්මන් සුවය ප්‍රාර්ථනා කරති. චාමර ඉක්මණින් සුවපත්ව යළිත් සුවහසක් රසික සිත් සනසවනු ඇත. චාමර, ඉක්මනින් ඔබට සුවය ලැබේවා!
