ඉන්දියාවේ ජනප්‍රියතම සංගීත පුරාවෘත්තයක් හැටියට හඳුන්වන හරිහරන් යාපනයේ පැවැත්වෙන 'Hariharan Live in Concert And Star Night' සඳහා පෙබරවාරි 09 වැනිදා සහභාගි වේ.

ප්‍රසංගය පසුගිය දෙසැම්බරයේදී (21) පැවැත්වීමට නියමිතව තිබූ නමුත් එය පෙබරවාරිය දක්වා කල් දැමුණේ විශේෂ හේතුවක් උඩ බව පැවසිණි.
දකුණු ඉන්දීය නර්තන ශිල්පී කලා මාස්ටර් අදහස් දක්වමින් එහිදී පැවසුවේ පෙබරවාරි ප්‍රසංගය කිසිසේත් කල් නොදැමෙන බවය. ඒ අනුව හරිහරන් සජීවී සංගීත ප්‍රසංගය 09 වැනිදා පැවැත්වේ.
භාතිය - සන්තුශ් සමග සිංහලෙන් 'යාල්පානමෙන් පිපිච්ච' ගීතය ගැයුවේ හරිහරන්ය.
ඉන්දියාවේ ජනප්‍රියතම සංගීත පුරාවෘත්තයක් හැටියට හඳුන්වන හරිහරන් ලෝක ප්‍රසිද්ධ 'Colonial Cousins' සමගද ගීත කිහිපයක් හරිහරන් ගායනා කළේය.