බන්දුල නානායක්කාරවසම් විසින් වීරචිත ප්‍රවීණ හා ජනප්‍රිය ගායක දෙපලක් වන අමරසිරි පීරිස් හා අමල් පෙරේරා විසින් ගායනා කරනු ලබන "විරාග රාගය" ගීතය එළිදැක්වීම පසුගියදිනක සූරිය විලේජ්හිදී සිදු විය.

ප්‍රවීණ රංගවේදීන් දෙපලක් වන මහේන්ද්‍ර පෙරේරා හා යශෝධා විමලධර්ම මෙන්ම නව පරපුරේ ජනප්‍රිය රංගන ශිල්පී හේමාල් රණසිංහ මෙම ගීතයේ රූප රචනාව සඳහා දායක වී තිබේ.

එහි සංගීත අධ්‍යක්ෂණය සුරේෂ් මාලියද්ද විසිනි.

රූප රචනා අධ්‍යක්ෂණය තිසර ඉඹුලාන විසින් නිම කර ඇත.

ගීතය නිර්මාණය කිරීම සඳහා අඩිතාලම වැටුණු තැන පටන් වූ කරුණු කාරණා ජනගත කිරීමේ අවස්ථාවේදී කතා බහට ලක්විය.

ප්‍රවීණ සිනමාවේදී ජයන්ත චන්ද්‍රසිරි, ප්‍රවීණ රංගවේදී W. ජයසිරි, උපුල් ශාන්ත සන්නස්ගල ඇතුළු නිර්මාණ කාර්යට දායක වූ කලාකරුවන් සියලු දෙනාම ද මෙම අවස්ථාවට සහභාගී වී තිබේ. 

විරාග රාගය අතරේ තනි වූ ආලය
විරාම දෙයි එක් හදකට පුදා පරාජය
විරාග රාගය අතරේ තනි වු ආලය
දුරලයි තනිකම ලබමින් මගේ සරාගය....