තමන්නා භාටියා කොලිවුඩයේ සිට බොලිවුඩයට ආගමනය වූ සුන්දරතම ඉන්දීය නිළියන්ගෙන් කෙනෙකු වන්නා සේම සාර්ථකත්වයටද පත් වූ නිළියකි.
සිනමා කර්මාන්තයේ බොහෝ කාලයක් සපුරා තිබෙන තමන්නා පසුගියදා ඉන්දීය සිනමාවට අලුතෙන්ම ආගමනය වන ජනප්‍රිය නිළි රවීනා තන්ඩන්ගේ දියනිය රාශා තඩානිට "මම ආන්ටි නෙවෙයි" යනුවෙන් පවසා තිබිණි.
ඒ ඔවුන් දෙදෙනා අතර සිදු වන සාකච්ඡාවක් අතරදී රාශා තමන්නාට 'ආන්ටී' යනුවෙන් ආමන්ත්‍රණය කිරීම හේතුවෙනි.
කෙසේවුවත් පුවත් වාර්තාවල මාතෘකාව තරමට මෙම සංවාදය සහිත වීඩියෝව තුළ බරපතල කාරණයක් නොවන බව පෙන්නුම් කරන්නේ තමන්නා සහ රාශා මිත්‍රශීලීව එකිනෙකා කතාබහ කරමින් සිටීම හේතුවෙනි.
එහිදී තමන්නා සිදු කරන්නේ 'ආන්ටී' යනුවෙන් පැවසීම ක්ෂේත්‍රයට ගැලපෙන්නක් නොවන බව රාශාට ආදරයෙන් කියා දෙමින් ඇයව වැළඳ ගැනීමය. ජ්‍යෙෂ්ඨයකු හැටියට සිනමාවට අලුතෙන් එක් වන නිළියකට ආදරයෙන් යමක් කියා දීම පිළිබඳවද තමන්නා ඇගයීමට ලක්ව තිබිණි. රාශාද සිනහමුසු මුහුණින් තමන්නාගේ කතාව පිළිගෙන ඇය වැළඳගෙන තිබිණි.
