51 වැනි රාජ්‍ය නාට්‍ය උළෙලේ වැඩිම සම්මාන දිනා ගත් නාට්‍යවේදී අසංක සායක්කාරගේ වේදිකා නාට්‍යය 'කොටු' හෙට (18) බොරැල්ල නාමෙල්-මාලිනී පුංචි තියටර්හිදී සවස 3.30 සහ 6.45ට වේදිකාගත කෙරේ.

හොඳම නළුවා, හොඳම සහාය නිළිය, හොඳම සහාය නලුවා, හොඳම වේදිකා පරිපාලනය, හොඳම රංග භුමී අලංකරණය, හොඳම ආලෝකකරණය, හොඳම ස්වීය පිටපත (තෙවැනි ස්ථානය, හොඳම අධ්‍යක්ෂණය සඳහා ජූරියේ විශේෂ සම්මානය යන සම්මාන අට රාජ්‍ය නාට්‍ය උළෙලේදී දිනාගත් 'කොටු' යනු වැඩිහිටියන් සඳහා (18+) නිර්දේශ කළ නාට්‍යයක් වේ.
සිය සියලු නිර්මාණ කෙරෙන් සේම සමාජය තුළ අවධානය යොමු කළ යුතු කතා තේමාවක් සහිතව සායක්කාර නිර්මාණය කළ වේදිකා නාට්‍යයක් ලෙස 'කොටු' හැඳින්විය හැකිය.
හොඳම නිළිය, හොඳම සහාය නළුවා සම්මාන සඳහාද නාට්‍යය නිර්දේශ විය.
ප්‍රවේශපත් 0713100411 01126 72 121 අංකවලින් වෙන් කරගත හැකිය.