ඡායාරූප ශිල්පී නිහාල් ප්‍රනාන්දු සහ ඔහු සමඟ එක්ව කටයුතු කළ හෝ ඔහුගේ ප්‍රකාශනවලින් ආභාෂය ලැබූ ඡායාරූප ශිල්පීන්, කලාකරුවන් සහ මූර්ති ශිල්පීන්ගේ නිර්මාණ රැගත් ඡායාරූප ප්‍රදර්ශනයක් එළඹෙන ජනවාරි 31 වැනිදා පැවැත්වීමට කටයුතු යොදා තිබේ.

ස්ටුඩියෝ ටයිම්ස් ලිමිටඩ්හි කටයුතු කළ නිහාල් ප්‍රනාන්දු, පැට් ඩෙකර්, මැක්සි ඩෙකර්, මිත්‍ර වීරකෝන්, ලක්ෂ්මනන් නඩරාජා, චරිත් පැල්පොල මෙන්ම අසේල අබේවර්ධන, චන්න ඒකනායක, සුමුදු ඇල්ලෙපොල, චන්දික ගුණසේකර, නිමලසිරි ජයසේන, හිරන්‍ය මල්වත්ත, සලෝමි නානායක්කාර, තිසරු ප්‍රභාෂ්වර, රුවන් ප්‍රසංග, ඩොමිනික් සන්සෝනි, කවිඳු සත්සර, කසුන් ද සිල්වා, චාලීන් තුරිං, සරින්ද උනම්බුවේ, ෂේන් වල්ගම සහ කරුණාසිරි විජේසිංහ යන සමකාලීන කලාකරුවන් සහ මූර්ති ශිල්පීන්ගේ නිර්මාණද මේ සඳහා සම්බන්ධ කර තිබේ.
ජනවාරි 31 සිට පෙබරවාරි 06 දිනපතා පෙරවරු 10 සිට පස්වරු 6.30 දක්වා ගාලු පාර, බෙයාර්ෆුට් ගැලරිහි පැවැත්වෙන ප්‍රදර්ශනයට ඇතුළුවීම නොමිලේ. ප්‍රදර්ශන භාණ්ඩ මිලදී ගැනීමේ හැකියාවද සලසා ඇත.