බොලිවුඩ් රංගන ශිල්පිනි මධුරි ඩික්සිත් සිය ප්‍රථම ගීත ඇල්බමය එලි දක්වමින් ගීත ලෝකයට පා තැබීමේ සුදානමකින් පසුවේ.
මෙම ඇල්බමය නම් කර ඇත්තේ “ද ෆිල්ම් ස්ටාර්” නමිනි.
එහි ඇගේ ප්‍රථම ගීතය වන “තු හි මෙරා” ළඟදීම සිය රසිකයන් වෙනුවෙන් නිකුත් කිරීමේ සුදානමකින් ඇය පසුවෙනවා.
එම ගීතය සම්භාව්‍ය ඉන්දියානු ජන සංගීතය සහ බටහිර සංගීතය සම්මිශ්‍රණය කොට නිමවූවකි.
“මුල සිටම සංගීතය කියන්නේ මගේ ජිවිතයේ කොටසක්. සැම අවස්ථාවකදීම මා සමඟ සිටි මට ආදරය ලබා දුන් රසිකයන්ට අලුත් දෙයක් ලබා දීමේ අවශ්‍යතාවය මට තිබුණා. ඉතින් ඔවුන්ගේ රසිකත්වය අගය කිරීමට මෙවැනි දෙයක් ලබා දෙනවට වඩා වෙනත් සුදුසු දෙයක් ඇතැයි කියා මම හිතන්නේ නැහැ,” යනුවෙන් මධුරි පවසන්නීය.
