කුසලතා පූර්ණ රංගන හා නර්තන ශිල්පිනියක වන මේනකා පීරිස්ගේ 'මේනකා පීරිස් රංගායතනය'ට අයත් ශාඛා 07හි සිසුන් 100ගේ සිලම්බු පැළඳවීමේ මංගල්‍යය පිළියන්දල පුංචි කිරි වෙහෙර පුදබිමේදී උත්සවාකාරයෙන් පැවැත්විණි.

හෙළ සම්ප්‍රදාය සහ සංස්කෘතියට මුල් තැන දෙමින් 2024 වසරෙන් 2025 සුබ නව වසරට පා තබන මොහොතේ පැවැත්වුණ මෙම අවස්ථාවට ප්‍රවීණ චිත්‍රපට නිෂ්පාදක රේණුකා බාලසූරිය සහ මේනකාගේ සමීපතමයින් සමග සිසුන්ගේ දෙමාපිය සහභාගිත්වය සිදු විය.
නර්තන සම්ප්‍රදායානුකූලව සහ චාරිත්‍රානුකූලව මෙම කටයුතු උත්කර්ෂයෙන් සිදු කෙරිණි.