දිනිති වල්ගමගේ, අකිල ධනුද්දර සමඟින් ශලනි තාරකා ප්රධාන චරිත සඳහා රංගනයෙන් එක්වන "සරා සුසුම්" අලුත්ම චිත්රපටයේ රූගතකිරීම් කිරීම් පසුගියදා අවසන් වූවා.
ශාන් ජයරත්නගේ දෙවන සිනමා නිර්මාණය වන “සරා සුසුම්” භීතිය සහ කුතුහලය එක් කොට ගත් “horror” ප්රවර්ගයට අයත් සිනමා නිර්මාණයක් වෙනවා.
‘වීදුරු තිර’ ටෙලි නාට්යය අධ්යක්ෂණය කරමින් ක්ෂේත්රයට පිවිසුණ ශාන් ජයරත්නගේ ප්රථම සිනමා නිර්මාණය වන්නේ ‘සෝණා” චිත්රපටයයි.
කන්ද උඩරට හුදෙකලා බංගලාවක් සහ එහි පදිංචියට පැමිණෙන තරුණ යුවලකට මුහුණ දෙන්නට සිදුවන අනපේක්ෂිත - භයංකාර සිද්ධි දාමයක් සරා සුසුම් චිත්රපටයට පාදක වී තිබෙනවා.
අමිල කරුණානායක, ලක්ෂාන් වත්තුහේවා, මයුර කාංචන, චතුර රාජපක්ෂ, ධනංජි තාරුකා ඇතුලු පිරිසක් මෙහි සහාය චරිත සඳහා රංගනයෙන් එක්වනවා.
"සරා සුසුම්" තිර රචනය ලක්ෂාන් වත්තුහේවා විසිනි.
චිත්රපටයේ නිෂ්පාදන දායකත්වය දරන්නේ ෂෙරන් ජයසිංහ විසිනි.
ඉතින්, ළඟදීම "සරා සුසුම්" චිත්රපටය දැක බලා ගැනීමට ප්රේක්ෂකයන්ට අවස්ථාව ලැබේවි.
පහතින් දැක්වෙන්නේ පසුගියදා චිත්රපටයේ රූගත කිරීම් අවසන් වීම වෙනුවෙන් පැවැති උත්සවයේ ඡායාරූප කිහිපයක්.
(මූලාශ්රය : cinema lk)
