Game of Thrones season 7 වෙනුවෙන් වසරකට වඩා වැඩි කාලයක් බලා සිටි ඔබට අද ඉතාමත් විශේෂ දවසක් බව නොඅනුමානයි.

ලොව ජනප්‍රියම ටෙලි මාලාවක් ලෙස හැඳින්වෙන මෙම ඇමරිකානු නිර්මාණයේ 7 මාලාවේ පළමු කොටස මේ වනවිටත් විකාශය වී හමාරයි.

විකාශය වුණ පළමු කොටස තුළ ජනප්‍රිය චරිත මිය නොගියත් බිඳවැටීම් රැසක් ඉදිරියට බලාපොරොත්තු විය හැකියි.

ඒක තමයි Game of Thrones රටාව.

ජෝන් සහ සන්සා අතර සම්බන්ධතාවයේ පලුදු වීම ඒ බිඳ වැටීම්වල ආරම්භකයක් විදියට පෙන්නුම් කරනවා.

බ්‍රැන් අවසානයේදී බ්ලැක් වෝල් වෙතට පැමිණීම, කෙනෙකුට ඉතාමත් අවාසනාව ගෙන එන මිත්‍රත්වයක් සර්සි ගොඩ නගාගැනීම, දිගටම සිදු කෙරෙන ආර්යාගේ සංචාරය පළමු කොටසේ සිදු වන විශේෂ සිදුවීම් කියලා කියන්න පුළුවන්.

ඩැනරි ස්ටෝම් බෝර්න්ගේ වෙස්ටෙරෝස් සම්ප්‍රාප්තිය තමයි මේ සියල්ල අතරේ ප්‍රධාන දේ වෙන්නේ. ඇය නැවතත් ටගේරියන් වංශිකයන්ගේ නිජබිම වූ ඩ්‍රැගන්ස්ටෝන් සියතට ලබා ගන්නවා. තමන්ගේ අයිතිය නැවත ලබා ගැනීමට ඇය සුදානම්.

නමුත් උදා වී ඇති සීත සෘතුව අපට මතක් කරන්නේ වයිට් වෝකර් සමඟ අවසාන සංග්‍රාමය ළඟ ළඟම එන බවයි.

ඒවගේම season 7 පළමු කොටස තුළ shape of you හි ගායක එඩ් ශිරන් ආර්යා සමඟ දකින්නට ලැබීමත් ප්‍රේක්ෂකයා පුදුමයට පත් කරලා තියෙනවා. ඔහු එතැනදී කෙටි ගීතයක් පවා ඉදිරිපත් කරනවා ඔබට දකින්නට පුළුවන්.

ජෙනිෆර් ලෝපේස් පවා Game of Thrones වෙනුවෙන් බලා සිටින බව සඳහන් ට්විටර් පණිවිඩ නිකුත් කර තිබුණා.

ඉතින් season 7 දෙවැනි කොටස එනතෙක් තව සතියක් ඔබට බලා සිටින්නට සිදු වේවි.