සේයා කියන්නේ සිංහල සිනමාවට ළඟදීම එක්වීමට නියමිත සිනමාපටයක්.

මුල සිට අග දක්වා කාන්තාවන් පමණක් රංගනයෙන් දායක වන පළමු සිංහල චිත්‍රපටය වීම මෙහි ඇති  විශේෂත්වයක්.

ඒ අනුව සිනමා නිර්මාණය සඳහා උදාරි පෙරේරා, දිල්හානි ඒකනායක, නිරෝෂා මෛත්‍රී, මැණික් විජේවර්ධන, සිනෙති අකිලා, දීපානි සිල්වා, ගයත්‍රී ඩයස්, ඉන්දිකා සුබසිංහ, විසාකා සිරිවර්ධන, හෙලන් රෙනොල්ඩා, මල්කි ප්‍රනාන්දු, සෙව්වන්දි දිසානායක, තුෂාරි වේහැල්ල, මානෙල් වානගුරු, මානෙල් චන්ද්‍රලතා ඇතුළු ජනප්‍රිය රංගන ශිල්පිනියන් 39 ක් රංගනයෙන් සහභාගී වී තිබෙනවා.  

නුදුරේදීම ප්‍රදර්ශනයට සුදානම් කර ඇති “සේයා” කල්‍යාණ චන්ද්‍රසේකරගේ දෙවැනි සිනමා තිර රචනය සහ අධ්‍යක්ෂණයයි.

නිෂ්පාදනය A පැරිස්ටර් සහ තරංග අතුරලිය විසිනි.

හාස්‍ය මුසු ත්‍රාසජනක කතා ගණයට අයත් “සේයා” සංගීත අධ්‍යක්ෂණය සරත් වික්‍රමයන් ගෙනි.