සම්මානනීය නිළි දමයන්ති ෆොන්සේකා විසින් අධ්‍යක්ෂණය කරනු ලබන කුළුඳුල් ටෙලි සිතුවම රන්කිරි අම්මා නමින් නම් කොට තිබේ.
එහි ප්‍රධාන රංගන දායකත්වය සපයන්නේ සිංහල සිනමාවේ නිලි රැජින මාලනී ෆොන්සේකා එනම් දමයන්ති ෆොන්සේකාගේ වැඩිමහල් සොහොයුරිය වීම විශේෂත්වයකි.
දමයන්තිගේ අධ්‍යක්ෂණය යටතේ නිමවන ටෙලි නිර්මාණයේ නිෂ්පාදනය තිලිනි අනුරාධා සහ ලසන්ත තෙන්නකෝන් විසිනි.
කැමරාකරණය සජිත වීරප්පෙරුම, අංග රචනය ධනුෂ්ක හුලංගමුව, කලා අධ්‍යක්ෂණය ධම්මික හේවාදුවත්ත, සංස්කරණය හිමාල් ධර්මරත්න යන අය විසින් මෙහෙයවයි.
රෝහණ බැද්දගේ, ශ්‍යාම් ප්‍රනාන්දු, සරත් කොතලාවල, මාධනි මල්වත්තගේ, උමයංගනා වික්‍රමසිංහ, ප්‍රියන්ත සිරිකුමාර, කෝකිල පවන්, නයෝමි තක්ෂිලා රන්කිරි අම්මා සඳහා රංගනයෙන් දායක වන අනෙකුත් නළු නිලි පිරිස වේ.
