සුනෙත් මාලිංග ලොකුහේවාගේ අධ්‍යක්ෂණයක් වන “නිදහසේ පියා ඩී. එස්.” චිත්‍රපටයේ පුර්ව ප්‍රචාරක පටය සහ තේමාගීත 70 වැනි නිදහස් දිනට සමගාමිව එළි දැක්වීමට කටයුතු සුදානම් කොට තිබේ.
සිනමාපටය නිමවා ඇත්තේ මහාමාන්‍ය ඩී. එස්. සේනානායකයන්ගේ ජීවිත කතාව ඇසුරෙනි.
මහාචාර්ය සුනිල් ආරියරත්නයන්ගේ ගීත රචනයෙන් සහ විශාරද අමරසිරි පිරිස්, සමන්ත පෙරේරා ගායනයෙන් “නිදහසේ පියා ඩී. එස්.” නිර්මාණය ඒකාලෝක කොට ඇත.
ලක්ෂ්මන් මෙන්ඩිස්, තුමිදු දොඩම්තැන්න, පාලිත පෙරේරා, බුද්ධදාස විතානාරච්චි, සාරංග දිසාසේකර, හේමසිරි ලියනගේ ඇතුළු පිරිසක් මෙහි රංගනයෙන් දායක වී තිබේ.
