නෙත් එෆ්.එම්. රේඩියෝව සංවිධාන කරන අයස්කාන්තය ප්‍රසංගය කොළඹ නෙළුම් පොකුණ රඟහලේදී අද පැවැත්වීමට නියමිතය.
සවස 6.30ට මෙම ප්‍රසංගය ආරම්භ කිරීමට නියමිතයි.
ප්‍රවීණ ගායන ශිල්පිනී නීලා වික්‍රමසිංහ පෙරටු කරගනිමින් තරු දරු පිරිසක් අයස්කාන්තය ප්‍රසංගයේදී ගීත ගායන කිරීමට සූදානමින් සිටිනවා.
රූකාන්ත චන්ද්‍රලේඛා යුවළගේ දියණිය වන රයිනි, අමල් පෙරේරාගේ පුත් නදීමාල්, ප්‍රියංකර පෙරේරාගේ පුත් ඩිල්මින් සහ සංගීත් වික්‍රමසිංහගේ පුත් සනුක එම තරු දරු පිරිසයි.
සංගීත් විජේසූරිය ප්‍රමුඛ වායෝ අයස්කාන්තය ප්‍රසංගයේ සංගීතය මෙහෙයවනවා.
මෙම ප්‍රසංගය සඳහා නිකුත් කෙරුණු සියලූ ප්‍රවේශ පත්‍ර මේ වන විට විකිණී අවසන්ව ඇති අතර ප්‍රවේශ පත් මිලදී ගත් රසිකයින් කල්වේලා ඇතිව නෙළුම් පොකුණ රඟහල වෙත පැමිණේන ලෙස සංවිධායක මණ්ඩලය ඉල්ලා සිටිනවා.
