ආචාර්ය නුවන් නයනජිත් කුමාරගේ විසින් රචිත “සරසවි බැල්මෙන් සතර සවියට” ශාස්ත්‍රීය විචාර ග්‍රන්ථය එළඹෙන ජනවාරි 29 වැනිදා ජනගත කිරීමට නියමිතය.
ඒ එදින සවස 3 ට කොළඹ 7 ජාතික පුස්තකාල හා ප්‍රලේඛන සේවා මණ්ඩල ශ්‍රවනාගාරයෙදිය.
පන්සිළු කලා කේන්ද්‍රය මඟින් සංවිධාන කෙරෙන උළෙලේ මුලසුන පුජ්‍ය මහාචාර්ය පාතේගම ඥානිස්සර හිමියෝ විසින් හොබවති.
ප්‍රවීන සාහිත්‍යවේදී කරුණාරත්න අමරසිංහ සහ ප්‍රවීන රංගවේදීන් දෙපලක් වන සනත් ගුණතිලක සහ ජැක්සන් ඇන්තනි විසින් එදින දේශනා පවත්වනු ලැබේ.
සංගීතවේදී දිනේෂ් සුබසිංහ උළෙල සංගීතවත් කරනු ඇත.
කෘතිය ජනගත කිරීමට සමගාමිව ඔහුගේ වෙබ්අඩවිය ද මෙදින ජනගත කෙරේ.
“සරසවි බැල්මෙන් සතර සවියට” සරසවි ප්‍රකාශනයකි.
