රට තුල ප්‍රදර්ශනය තහනම් කරන මෙන් ගෙන යන විරෝධතා මධ්‍යයේ දකුණු අප්‍රිකානු සිනමාකරු ජෝන් ට්‍රෙන්ගෝවා ගේ ඉන්සෙබා (The wound) සිනමාපටය හොඳම චිත්‍රපටය ඇතුළු සම්මාන 6 ක් තමන් සතු කරගෙන තිබේ.

පසුගියදා නිමාව දුටු දකුණු අප්‍රිකානු සිනමා සහ රුපවාහිනී සම්මාන උළලේදී ඉන්සෙබා මෙසේ ඇගයීමට පාත්‍ර වී ඇත.

ශෝෂා ජනවාර්ගික කණ්ඩායමේ තරුණයින් වෙනුවෙන් පැවැත්වෙන චාරිත්‍රයකට එරෙහි කරුණු කියා පාන සමරිසි ආදරයක් පිළිබඳව ගෙතුණු මෙම සිනමාපටයට සම්ප්‍රදායික නායකයන් සිය කෝපය පල කර තිබීම විරෝධතා වලට හේතු වී තිබේ.

ඉන්සෙබා තිරගත කෙරුනේ 2017 වසරේ අග භාගයේ දිය.