සිනමා සහ ටෙලිනාට්‍ය නිර්මාණ ශිල්පීන් ඇගයීම වෙනුවෙන් සිග්නීස් ශ්‍රි ලංකා ආයතනය විසින් සංවිධානය කරන සිග්නීස් උත්තමාචාර සම්මාන උළෙල සඳහා නිර්මාණ භාර ගැනීම මේ දිනවල සිදු කෙරේ.

මෙවර සම්මාන උළලේ තේමාව වන්නේ “ශ්‍රි ලාංකේය ස්වීය අනන්‍යතාව ජාත්‍යන්තර සිනමා තලයේ කූටප්‍රාප්තිය කරා රැගෙන ගිය තුරුණු සිනමා නිර්මාණකරණයේ භාවිතාව අග්‍රේසර කෘති කියවීමක්.”

2017 වසරේ තිරගත වු චිත්‍රපට සහ 2017 දෙසැම්බර් 31වැනිදාට පෙර විකාශය නිමාකළ කොටස් 100කට නොවැඩි ප්‍රාසාංගික ටෙලිනාට්‍යයන් මෙවර සිග්නීස් උත්තමාචාර සම්මාන උළෙලේ සම්මාන සඳහා ඉදිරිපත් කළ හැකිය.

ඒ අනුව නිර්මාණයේ DVD පිටපතක් එළඹෙන මැයි 20 දිනට පෙර සිග්නීස් කාර්යාලය වෙත ලබා දිය යුතුය.

වැඩි විස්තර 0112693425/ 0718069085 යන දුරකථන අංක වලින් ලබා ගත හැකිය.