ජනප්‍රිය ගායන ශිල්පී මිහිඳු ආරියරත්න ගේ කුලුඳුල් ගීත ඇල්බමය “යාත්‍රිකයා” එළඹෙන ජූලි මස 4 වැනිදා එළිදැක්වීමට නියමිතය.
ගීත දොළහකින් සමන්විත මෙම සංගීත ඇල්බමයේ සංගීත අධ්‍යක්ෂවරුන් ලෙස ආචාර්ය රෝහණ වීරසිංහ, අරුණ ගුණවර්ධන, උදාර සමරවීර කටයුතු කර ඇති අතර කුලරත්න ආරියවංශ, චාමින්ද රත්නසූරිය සහ ශෙහාන් ගලහිටියාව ගීත රචනය සඳහා දායක වි තිබේ.
යාත්‍රිකයා එළිදැක්වීමෙන් පසුව එම ගීත ඇතුළත් සංගීත ප්‍රසංග ත්‍රිත්වයක් ද පැවැත්වීමට නියමිතය.
ඒ අනුව අගෝස්තු 12 වැනිදා බණ්ඩාරනායක සම්මන්ත්‍රණශාලාවේදී ද සැප්තැම්බර් 01 වැනිදා ගාල්ල කරාපිටිය ශ්‍රවණාගාරයේදී ද, සැප්තැම්බර් 29 වැනිදා ධර්මරාජ විද්‍යාලීය ශ්‍රවණාගාරයේදී ද ප්‍රසංග පැවැත්වෙනු ඇත.
