මෙරට ගීත සාහිත්‍යයට එක්ව ඇති සුවිශේෂී පදමාලා ගණනාවකම හිමිකරු ප්‍රවීන ගේය පද රචක නිලාර් එන්.කාසිම්ගේ නිර්මාණ දිවියට විසි පස් වසරක් ගෙවීම නිමිත්තෙන් “සරස වසන්තය” නමින් ප්‍රසංගයක් සැප්තැම්බර් 7 වැනිදා සවස 5.30 ට පැවැත්වීමට නියමිත ය.

ඒ ශ්‍රී ලංකා පදනම් ආයතනයේ දීය.  

ඔහුගේ ගීත 100 ක් එදින ජනගත කෙරෙන අතර ගීත ඇතුලත් සංයුක්ත තැටි 4 ක් මෙන්ම ප්‍රස්ථාර සහිත ගී පදමාලා ඇතුලත් ග්‍රන්ථයක් ද එදින ජනගත කෙරෙනු ඇත.

එඩ්වඩ් ජයකොඩි, අමරසිරි පීරිස්, නිරෝෂා විරාජිනී, උරේෂා රවිහාරි, සමන්ත පෙරේරා, භාතිය-සන්තුෂ්, උමාරියා සිංහවංශ, ඉන්දිකා උපමාලි, කසුන් කල්හාර, තීක්ෂණ අනුරාධ, රුවන් හෙට්ටිආරච්චි, දුමාල් වර්ණකුලසුරිය ප්‍රසංගය සඳහා ගීත ගායනයෙන් සහභාගී වීමට නියමිත ය.

එදිනට සහභාගී වන්නට ඔබටත් ඇරයුම්.