EASL සංවිධාන කරන කෙටි චිත්‍රපට තරගයට නිර්මාණ භාර ගැනේ
ශ්‍රී ලංකා අපස්මාර සංගමය (EASL) විසින් සංවිධාන කරනු ලබන කෙටි චිත්‍රපට තරගාවලිය සඳහා නිර්මාණ භාර ගැනීම මේ දිනවල සිදු කෙරේ.
අපස්මාර රෝග තත්වය පිළිබඳ මහජනතාව දැනුවත් කිරීම අරමුණු කරගනිමින් පැවැත්වෙන මෙම තරගයේ නිර්මාණ භාර ගන්නා අවසන් දිනය වන්නේ එළඹෙන දෙසැම්බර් 31 වැනිදා ය.
පළමු ජයග්‍රාහකයා සඳහා රුපියල් දෙලක්ෂයක් ද, දෙවන ජයග්‍රාහකයා සඳහා රුපියල් එක් ලක්ෂ විසි පන්දහසක් ද තෙවැනි ජයග්‍රාහකයා සඳහා රුපියල් හැත්තෑ පන් දහසක් ද පිරිනැමෙන අතර ජයග්‍රාහකයින් පස් දෙනකුට සැනසිලි ත්‍යාග වශයෙන් රුපියල් දස දහස බැගින් හිමිවන බව තරග සංවිධායකයෝ පවසති.
එළඹෙන වසරේ පෙබරවාරි 11 වැනිදා ට යෙදී ඇති ලෝක අපස්මාර දිනයට සමගාමිව කෙටි චිත්‍රපට තරගය සංවිධාන කෙරේ.
වැඩි විස්තර සඳහා www.easrilanka.org වෙබ් අඩවියට පිවිසෙන්න.
