ප්‍රවීන හොලිවුඩ් රංගන ශිල්පිනි සොන්ඩ්‍රා ලෝක් අභාවප්‍රාප්ත වී තිබේ.

නොවැම්බර් 3 වැනිදා හදිසි හෘදයාබාධ තත්වයක් නිසා මියයන විට ඇය 74 හැවිරිදි වියේ පසුවිය.

සොන්ඩ්‍රා ලෝක්ගේ කුළුඳුල් සිනමාපටය වන 1968 වසරේ නිෂ්පාදිත The heart is a lonely hunter වෙනුවෙන් ඇය ඔස්කාර් සම්මානය සඳහා නිර්දේශ වූවා ය.

The outlaw Josey Wales චිත්‍රපටය නිර්මාණය කරන සමයෙහි එහි අධ්‍යක්ෂක මෙන්ම රංගනයෙන් ද දායක වූ ප්‍රකට හොලිවුඩ් රංගන ශිල්පී ක්ලින්ට් ඊස්ට්වුඩ් සමඟ ඇය ආදරයෙන් බැඳුණු අතර ඔවුන් වසර 14 ක් එක්ව විසූහ.

මෙම සම්බන්ධතාවය පවතින කාලයේදී ඔවුන් දෙදෙනා එක්ව නිර්මාණය කළ සිනමාපට ලෙස Any which way you can(1980),Bronco Billy(1980), Every which way but loose(1978), The Gauntlet(1977) හැඳින්විය හැකි ය.