ප්‍රකට සිනමා අධ්‍යක්ෂිකා පෙනී මාෂල් දිවියෙන් සමුගනියි

ඇමරිකානු රංගන ශිල්පිනියක, අධ්‍යක්ෂවරියක සහ නිෂ්පාදිකාවක වන පෙනී මාෂල් අභාවප්‍රාප්ත වී තිබේ.

ඇය ප්‍රකට ඇමරිකානු ටෙලි මාලාවක් වන Laverne & Shirley සඳහා රංගන දායකත්වය සපයා ඇති අතර රසිකාදරය දිනා ගත් Big සහ A League of Their Own යන සිනමාපට අධ්‍යක්ෂණය කළා ය.

චිත්‍රපට නිෂ්පාදන කර්මාන්තයේ ප්‍රමුඛයෙක් ලෙස හැඳින්වූ පෙනී මාෂල් මියයන විට 75 හැවිරිදි වියේ පසුවිය.

1980 ගණන් වලදී ඇය අධ්‍යක්ෂණය කළ සිනමාපට ඇමරිකානු බොක්ස් ඔෆිස් වාර්තා තැබීමට සමත් විය.

ඇගේ පළමු අධ්‍යක්ෂණය Jumpin' Jack Flash (1986) වන අතර ඇය අධ්‍යක්ෂණය කළ Robert De Niro සහ Robin Williams in Awakenings යන සිනමාපට ඇකඩමි සම්මාන සඳහා නිර්දේශ විය.

කැලිෆෝනියාවේ හොලිවුඩ් හිල්ස් හි පිහිටි සිය නිවසේ දී 17 සඳුදා ඇය දිවියෙන් සමුගෙන තිබුණි.