ප්‍රීතිරාජ් සිය පුත් ඉරාජ්ගේ සංගීතය යොදා කළ අලුත්ම චිත්‍රපටය “තිත්ත ඇත්ත”
ප්‍රීතිරාජ් වීරරත්නගේ නවතම සිනමා නිර්මාණය “තිත්ත ඇත්ත” ජනවාරි අගදී දිවයින පුරා ප්‍රදර්ශනයට නියමිත බව වාර්තා වනවා.
දේශපාලන ප්‍රහසනයක් වන මෙම චිත්‍රපටයේ සංගීත අධ්‍යක්ෂණය සිදු කර ඇත්තේ ප්‍රීතිරාජ්ගේ පුත් ඉරාජ් වීරරත්න විසින්. එසේම ඉරාජ් කලකට පෙර නිර්මාණය කළ කාඩරජා, විසේකුරුට්ටා සහ හිතුවක්කාරී ගීත තුන ද චිත්‍රපටයට ඇතුලත් කර ඇති බවට පැවසෙනවා.
“තිත්ත ඇත්ත” ප්‍රධාන චරිතයට ප්‍රවීන රංගන ශිල්පී ටෙනිසන් කුරේ පණ පොවා ඇති අතර සනත් ගුණතිලක, විල්සන් කරු, දොන් ගයි, රජිත හිරාන් චාමිකර, සුසිලා කෝට්ටගේ, චතුර පෙරේරා, නිල්මිණි කෝට්ටේගොඩ, උදය කුමාරි, ඩී. බී. ගංගොඩතැන්න, සැන්ඩෝ හැරිස්, කිරන් ඩී. සොයිසා, චතු චතුරංගනී, රවී උඩත්තාව, දිල්කි මිහිරාජ්, මධු ශානි ප්‍රදීපා වික්‍රමසිංහ, රහුල් රිෂික සමඟ හිටපු අමාත්‍ය මර්වින් සිල්වා සෙසු චරිතවලට පණ පොවා තිබේ.
“තිත්ත ඇත්ත” කතාව, දෙබස්, තිරපිටපත, අධ්‍යක්ෂණය සහ නිෂ්පාදනය ප්‍රීතිරාජ් වීරරත්න විසිනි.
