ජාත්‍යන්තර ඇගයීමට පත් “House of My Fathers” පූර්ව ප්‍රචාරක පටය මෙන්න
ජාත්‍යන්තර සිනමා උළෙලවලදී ඇගයීමට පාත්‍ර වූ “House of My Fathers” සිනමා කෘතියේ පූර්ව ප්‍රචාරක පටය අන්තර්ජාලය වෙත නිකුත් කර තිබේ.
සුබා සිවකුමාරන් තිර රචනා කර අධ්‍යක්ෂණය කළ මෙම චිත්‍රපටය සඳහා බිමල් ජයකොඩි, ප්‍රදීපා, ස්ටීව් ද ලා සිල්වා, ධර්ශන් ධර්මරාජ්, දසුන් පතිරණ ඇතුළු පිරිසක් රංගන දායකත්වය සපයා ඇත.
විනාඩි 94 ක් පුරා දිවෙන “House of My Fathers” කැමරා අධ්‍යක්ෂණය කාලිංග දේශප්‍රිය, සංස්කරණය සේ අසුකො, ශබ්ද පරිපාලනය ෆිල් ලී, සංගීතය ෆොරස්ට් ක්‍රිස්ටන්සන්, කලා අධ්‍යක්ෂණය බිමල් දුෂ්මන්ත විසිනි.
මෙම සිනමා නිර්මාණය 2018 බුසාන් අන්තර්ජාතික සිනමා උළෙල, 2018 රොටර්ඩෑම් අන්තර්ජාතික සිනමා උළෙල, 2018 BFI ලන්ඩන් සිනමා උළෙල, 2018 මුම්බායි සිනමා උළෙලේ ලෝක සිනමා අංශය, 2018 හවායි අන්තර්ජාතික සිනමා උළෙල, 2018 සිංගප්පූරු අන්තර්ජාතික සිනමා උළෙල, 2018 හැම්බර්ග් සිනමා උළෙල, 2018 කේරල අන්තර්ජාතික සිනමා උළෙල සඳහා නිළ වශයෙන් සුදුසුකම් ලැබූ අතර 2016 ලොකාර්නෝ ඕපන් ඩෝර්ස්හබ් හි දී ද තිරගත කෙරුණි.
