රංගන ශිල්පී මාර්ක් සැම්සන්ගේ අවසන් කටයුතු අද 

අභාවප්‍රාප්ත ප්‍රවීන රංගන ශිල්පී මාර්ක් සැම්සන්ගේ දේහය පිළිබඳ අවසන් කටයුතු අද (22) දින පස්වරු 5 ට මිනුවම්පිටිය පොදු සුසාන භුමියේ දී සිදු කිරීමට නියමිත ය.

ඔහුගේ දේහය මේ වනවිට පානදුර ලක්සිරි මල්ශාලාවේ තැම්පත් කර තිබේ.

හදිසි රෝගාබාධායක් නිසා මියයන විට මාර්ක් සැම්සන් 63 හැවිරිදි වියේ පසුවිය.

රජ දරුවෝ, ජය ශක්ති, වියරු මිනිසා, ශක්තිය ඔබයි අම්මේ වැනි චිත්‍රපට විශාල ප්‍රමාණයකට රංගන දායකත්වය ලබාදුන් මේ ප්‍රවීන කලාකරුවා පුංචි තිරය ඔස්සේ ද ප්‍රේක්ෂක ආදරය දිනා ගත්තේ ය.