ගායන ශිල්පී මාක් හෝලිස් දිවියෙන් සමුගනියි

80 දශකයේ ජනප්‍රිය රොක් සංගීත කණ්ඩායමක් වූ Talk Talk හි ප්‍රධාන ගායන ශිල්පි මාක් හෝලිස් දිවියෙන් සමුගෙන තිබේ.

මියයන විට ඔහුගේ වයස අවුරුදු 64 කි.

It's My Life සහ Such a Shame වැනි ප්‍රකට ගීත රැසක් ඔස්සේ ජනාදරයට පත් Talk Talk සංගීත කණ්ඩායමේ ප්‍රධාන ගායකයා වූ මාක් හෝලිස් 1998 දී තනි ගීත ඇල්බමයක් නිකුත් කරන ලදී. ඉන්පසුව ඔහු සංගීත දිවියෙන් සමුගත් අතර ඒ සම්බන්ධයෙන් ඔහු පවසා සිටියේ සිය කාලය පවුල වෙනුවෙන් කැප කිරීමට අවශ්‍ය බැවින් එම තීරණය ගත් බවයි.

කලාකරුවන් සහ රසිකයින් මාක් හෝලිස්ගේ හදිසි අභාවය පිළිබඳ ශෝකය පළ කර තිබේ.