ප්‍රොඩිජී සංගීත කණ්ඩායමේ ප්‍රධාන ගායක කීත් ෆ්ලින්ට් දිවියෙන් සමුගනියි
ජනප්‍රිය ප්‍රොඩිජී සංගීත කණ්ඩායමේ සාමාජික කීත් ෆ්ලින්ට් අභාවප්‍රාප්ත වී තිබේ.
1990 වසරේ දී ආරම්භ කරන ලද මෙම කණ්ඩායමේ වඩාත් ප්‍රසිද්ධියට පත් ගීත ද්විත්වයක් වන Breathe සහ Firestarter සඳහා ඔහු ප්‍රධාන හඬ දායකත්වය ලබා දී ඇත.
එංගලන්තයේ එසෙක්ස් හි පිහිටි සිය නිවසේ දී මියගොස් සිටිය දී කීත් ෆ්ලින්ට් සොයාගෙන ඇත්තේ 4 සඳුදා උදෑසන ය.
එළඹෙන මැයි මස දී ඇමරිකා එක්සත් ජනපදයේ සංචාරයක යෙදීමට නියමිතව සිටි ප්‍රොඩිජී සංගීත කණ්ඩායම නිවේදනයක් නිකුත් කරමින් ප්‍රකාශ කර ඇත්තේ “ඔහු සැබෑ පුරෝගාමියෙක්, නව අදහස් දරන්නෙක් සහ ජනප්‍රසාදයට පාත්‍ර වූ අයකු බවත් ඔහුගේ වියෝව සිය කණ්ඩායමට විශාල පාඩුවක් බවත් ය.”
කීත් ෆ්ලින්ට්ගේ හදිසි අභාවය ගැන කලාකරුවන්, රසිකයින් ශෝකය පළ කර තිබේ.
