“දෙවසරක යහපාලනය සහ හෙට දවස” තේමා කරගත් දේශපාලනික සංවාදය HE FORUM ජනවාරි 17 සවස 4.30 ට ගරු ජනාධිපති මෛත්‍රීපාල සිරිසේනගේ ප්‍රධානත්වයෙන් හිල්ටන් හෝටල් පරිශ්‍රයේදී පැවැත්වීමට කටයුතු යොදා ඇත.

ජාත්‍යන්තර ප්‍රමිතියෙන් එලිදැක්වූ ප්‍රථම ශ්‍රී ලාංකික දේශපාලන සඟරාව වන HE සඟරාව විසින් මෙම සංවාද මණ්ඩපය සංවිධානය කරනු ලබයි.

මෙම “HE FORUM” හි විද්වත් මණ්ඩලයට මහාචාර්ය රොහාන් සමරජීව, මහාචාර්ය සිරිමල් අබේරත්න, ආචාර්ය දයාන් ජයතිලක, ජ්‍යොෂ්ඨ මාධ්‍යවේදී වික්ටර් අයිවන් සහ ඉමිටියාස් බාකීර් මාකර් සහභාගී වීමට නියමිතව ඇත.

HE FORUM හි සංවාද මණ්ඩපය පාර්ලිමේන්තු මහජන නියෝජිතයන්, ආචාර්ය මහාචාර්යවරුන්, මාධ්‍යවේදීන්, රාජ්‍ය නිලධාරින් ඇතුළු බුද්ධිමතුන්ගෙන් සමන්විත වන බවයි සංවිධායක මණ්ඩලය දැනුම් දෙන්නේ.

අද පුවත්පතෙහි කතෘ කාංචන දසනායක සහ HE සඟරාවේ කතෘ සාරංග විජයරත්න HE FORUM මෙහෙයවනු ලබන අතර මෙදින HE සඟරාවේ පළමු සංවත්සර කලාපය ජනාධිපතිතුමන්ට ප්‍රධානය කිරීමද සිදු කරනු ලබයි.