නදිමාල් ලංකාවට එයි 

මාකදුරේ මධුෂ් සමඟ ඩුබායිහිදී පැවැති සාදයකදී අත්අඩංගුවට ගත් සංගීත ශිල්පී අමල් පෙරේරාගේ පුත් නදීමාල් පෙරේරා සහ බන්ධනාගාර නියාමකවරයකු වන කෝදාගොඩ ආරච්චිගේ ලලිත් කුමාර නැමැත්තා ලංකාවට පැමිණිමෙන් පසු අද(27) අත්අඩංගුවට ගත් බව අපරාධ පරීක්ෂණ දෙපාර්තමේන්තුව පවසයි.

කටුනායක ගුවන්තොටුපොළහි අපරාධ පරීක්ෂණ දෙපාර්තමේන්තු නිලධාරීන් විසින් මොවුන් අත්අඩංගුවට ගනු ලැබ තිබේ. මේ වන විට අපරාධ පරීක්ෂණ දෙපාර්තමේන්තුවේ රඳවා ඔවුන්ගෙන් ප්‍රශ්න කිරීම් සිදු  කරේ.

අද උදෑසන මොවුන් ලංකාවට පැමිණිමෙන් පසු රේගු නිලධාරීන් විසින් මොවුන් අපරාධපරීක්ෂණ දෙපාර්තමේන්තු නිලධාරීන්ට මොවුන් බාර දී තිබේ.

ඔවුන් සම්බන්ධයෙන් ලංකාවේ වෙනත් චෝදනා ඇත්දැයි සොයා බලා කිසිදු චෝදනාවක් නොමැති නම් ඔවුන් මුදා හැරීමට කටයුතු කිරීමට නියමිත බවද පොලීසියේ උසස් නිලධාරියෙක් සඳහන් කළේය.

දිල්රුක්ෂි ග්‍රේරු

ලංකාදීප